የኢትዮጵያ ኦርቶዶክስ ተዋሕዶ ቤተክርስቲያን ሐዋርያት የፈጸሙትን ተግባር ቀዳሚ ሥራዋ አድርጋ የዘመናትን ድንበር እየተሻገረች አገልግሎቷን ስታከናውን ቆይታለች፡፡ የወንጌልን ብርሃን ላልደረሳቸው ሁሉ ታደርሳለች፡፡ ተምረው ያመኑትን፤ በአብ በወልድ በመንፈስ ቅዱስ ስም እያጠመቀች፤ የመንፈስ ቅዱስን ልጅነት እንዲያገኙ፣ በክርስቶስ ክርስቲያን እንዲሆኑ ታደርጋለች፡፡ በሀገር ውስጥም ይሁን ከሀገር ውጪ በመላው ዓለም በዝርወት /በስደት/ ያሉ ልጆቿን እስከመጨረሻው ትጠብቃለች፡፡ የዘላለማዊው ሕይወት የሰማያዊው መንግሥት ወራሾች እንዲሆኑም ታበቃለች፡፡

የኢትዮጵያ ቤተክርስቲያን በውጪው ዓለም የምታከና ውነው ዘርፈ ብዙ መንፈሳዊ አገልግሎትም የሐዋርያዊ ተልእኮዋ አካል ነው፡፡ በተለይም በሰሜን አሜሪካ የቅድስት ቤተክርስቲያን ሐዋርያዊ ጉዞ ዘመናትን አስቆጥሮ አሁን ያለበት ደረጃ ላይ ቢደርስም፤ በአስቸጋሪ ፈተናዎችና ውጣ ውረዶች ውስጥ ማለፍን እና ጽናትን ጠይቋል፡፡

የኢትዮጵያ ቤተመጻሕፍትና ቤተመዛግብት ኤጀንሲ በግእዝ ቋንቋ የተጻፉ ጥንታውያን መጻሕፍትን በመተርጎም ለጥናትና ምርምር ማቅረብ መጀመሩን መነሻ በማድረግ፤ ቀዳሚ የትርጉም ሥራውን «መጽሐፈ ምስጢር»ን ለኅትመት አብቅቶ ሰሞኑን ማስመረቁ ይታወቃል፡፡

በኢትዮጵያ የሥነ ጽሑፍ ታሪክ «ወርቃማው ዘመን» ተብሎ የሚጠራው ዘመን ታላቅ ደራሲ፣ ሊቅ፣ መምህር፣ የምሕንድስና ባለሙያ እና ጻድቅ ከሆነው የአባ ጊዮርጊስ ዘጋስጫ /1357-1426 ዓ.ም/ በርካታ ተጠቃሽ የድርሰት ሥራዎች መካከል «መጽሐፈ ምስጢር» አንዱ ነው፡፡

በማኅበረ ቅዱሳን የማኅበራዊ አገልግሎትና ልማት ዋና ክፍል አዘጋጅነት የአብነት መምህራን የምክክር ጉባኤ ለሁለተኛ ጊዜ ከሚያዝያ 27 እስከ ግንቦት 1 ቀን 2002 ዓ.ም. ድረስ በአዲስ አበባ መንበረ ጸባኦት ቅድስት ሥላሴ ካቴድራል አዳራሽ ተካሒዷል፡፡ በዚህ ጉባኤ ላይ በመላው ሀገሪቱ፤ በሰሜን፣ በደቡብ፣ በምሥራቅ፣ በምዕራብ ከሚገኙ ሰባ አምስት ያህል የአብነት ትምህርት ቤቶችና ከታላላቅ የማስመስከሪያ ጉባኤ ቤቶች የመጡ ከሰማንያ በላይ ሊቃውንት /መምህራን/ ተሳታፊ ሆነዋል፡፡ በምክክር ጉባኤው መዝጊያ መርሐ ግብር ላይም ብፁዕ ወቅዱስ አቡነ ጳውሎስ እንዲሁም ብፁዓን ሊቃነ ጳጳሳት ጭምር ተገኝተዋል፡፡

ከሠላሳ ስምንት በላይ ሊቃነ ጳጳሳት፣ በርካታ ሊቃውንተ ቤተ ክርስቲያንን እንዲሁም ምሁራንን ያፈራው፤ በአዲስ አበባ ሀገረስብከት ታዕካ ነገሥት በዓታ ለማርያም ገዳም የሚተዳደረው መምህራንና ካህናት ማሠልጠኛ ሕልውናው ፈተና ላይ ወድቆ በከፍተኛ ችግር ውስጥ ይገኛል፡፡